Тәрс адамла ҝөрүшдән габаг
“Төвһид” сурәсини охумағын фәзиләт вә мүкафаты (2)
Əмирәл-мөминин (ә) пејғәмбәрин дилиндән белә нәгл едир: “Јатан заман “төвһид” сурәсини јүз дәфә охујан шәхсин 50 иллик ҝүнаһлары бағышланар. (Һәмин мәнбә, һ. 481)
Имам Садиг (ә) атасындан нәгл едир ки, Аллаһын рәсулу (с) Сәд ибн Муазын ҹәназәсинә намаз гыландан сонра бујурду: “Һәгигәтән, Ҹәбрәил дә араларында олмагла 90 мин мәләк она намаз гылды. Ҹәбрәилдән сорушдум ки, она намаз гылмағынызын сәбәби нәдир? Ҹәбрәил деди: “О ајаг үстә, отурдуғу һалда, сүвари вә пијада ҝедәндә “Төвһид” сурәсини охујарды.” (“Тәфсири-мәҹмәул-бәјан”, ҹ. 10, с. 561)
Имам Садиг (ә) бујурур: “Јатағына ҝирәндән сонра “Төвһид” сурәсини 11 дәфә охујан шәхси Аллаһ өз евиндә вә башга евләрдә һифз едәр.” (“Сәвабул-әмал”, с. 295, һ. 483)
Әмирәл-мөминин (ә) бујурур: “Сүбһ намазындан сонра “Төвһид” сурәсини 11 дәфә охујан шәхс һәмин ҝүн шејтанын истәјинә зидд олса белә ҝүнаһа батмаз.” (Һәмин мәнбә” һ. 484)
Имам Казим (ә) бујурур: “Тәрс адамла ҝөрүшдән габаг “Төвһид” сурәсини охујан инсаны Аллаһ һәр тәрәфдән горујар вә тәрс адамдан она хејир јетирәр. Бујурулур ки, бир шејдән горханда Гуранын истәнилән јериндән јүз ајә оху вә сонра де: “Аллаһуммәкшиф әннил-бәла” (Һәмин мәнбә, һ. 485)
Һәфәс ибн Гијас дејир: “Имам Садиг (ә) бир шәхсә бујурду: “Дүнјада галмаг истәјирсәнми?” Һәмин шәхс ҹаваб верди ки, бәли. Имам сәбәбини сорушду. Һәмин шәхс деди: “Төвһид сурәсини охумаг үчүн.” Имам бујурду: “Еј Һәфәс, бизим достларымыз вә шиәләримиздән кимсә Гураны јахшы охумадан дүнјасыны дәјишсә, она гәбриндә Гуран өјрәдиләр ки, Аллаһ бу сәбәбә она беһиштдә уҹа мәгам версин. Һәгигәтән, беһиштин дәрәҹәләри Гуран ајәләринин сајы гәдәрдир. Гуран охујана дејиләр ки, оху вә јүксәл.” (Һәмин мәнбә, һ. 486)
“Нас” вә “Фәләг” сурәләрини охумағын фәзиләт вә мүкафаты
Имам багир (ә) бујурур: “Һәр кәс витр (ҝеҹә) намазында “Нас” вә “Фәләг”, “Төвһид” сурәсләрини охуса, она дејиләр: “Еј Аллаһын бәндәси, мүждә олсун сәнә, Аллаһ сәнин витр намазыны гәбул етди.” (Тәфсири-нурус-сәгәлејн”, ҹ. 5, с. 716; “Тәфсири-мәҹмәул-бәјан”, ҹ. 10, с. 567)
ҺаггЈолу үчүн һазырлады: Мигдад Ејвазов
Мәнбә: “Гуран вә Һәјат”