Өз ағрыны јашамаға нә вар!

Öз ағрыны јашамаға нә вар! Шушалынын Шуша дәрдиндән әримәси ифтихар дејил, әримәмәси хәҹаләтдир. Тәбризлинин, бакылынын Шушаја јанмасы үчүн бөјүк инсанлыг, вәтәнпәрвәрлик лазым.
Фәләстин, Гүдс биздән чох узаг, һарадаса 1500 км. Һавасы, сују, торпағы, инсаны ајры. Исраил танкларынын тыртыллары алтда әзилән фәләстинли нә милләтимиздәндир, нә тајфамыздан. Ики мүштәрәк ҹәһәти вар: инсандыр, мүсәлмандыр. Фәләстинлијә јанмаг үчүн инсанлыға, имана еһтијаҹ вар. Гарабағлы да һәм инсандыр, һәм дә мүсәлман. Гарабағлыја јанмајан фәләстинлијә јана биләрми? Өз баласына ағламајан, өзҝә баласына ағлајармы?.. Ешг-нифрәт ҹүтү призмасындан бу мәсәләни икинҹи мүстәвидә һәлл етмәк даһа асандыр. Азәрбајҹанлынын ишғалчы јәһудијә нифрәти ишғалчы ермәнијә нифрәтиндән ҝүҹлү ола биләрми? Бәли, ола биләр! Зүлм шәһәриндә дашнак сионистин әлинә су төкмәјә јарамаз. Она ҝөрә тәәҹҹүб едирсән ки, сионизмдән хәбәрсизсән, дост. Бир гәдәр мүталиә ет, өзү дә тарихи јох, бу ҝүнү. Дүнјанын ганынын сорулмасында јәһуди нештәрини ермәнинки илә мүгајисә ет.
Бу ҝүн Гүдс ҝүнүдүр! 03 сентјабр, рамазан ајынын сон ҹүмәси. Хоҹалы ҝүнү кими бир ҝүн. Амма Хоҹалы бошдур, Гүдс долу. Хоҹалы тарихдир, Гүдс бу ҝүн. Хоҹалылы Бакыда, Шәкидәдир, гүдслү елә Гүдсдә дајаныб ишғалчы илә үзбәүз. Даш атыр, ҹырмаг атыр, гојуб гачмыр. Бу ики вәзијјәт чох фәрглидир, инсафла бахсан.
Гүдс һәм дә мүсәлманларын гибләсидир. Гүдсүн ишлғалы мәни мүсәлман олдуғум гәдәр јандырыр. Ҝүн узуну әтрафдакылары зәһәрләјиб, чапанда Аллаһ јадыма дүшмүрсә, Гүдс јадыма дүшмәз. Мүсәлманлыг гәлб мәсәләсидир, заһирлә өлчүлмәз. Аллаһы севмәмиш Онун евини севмәк ријакарлыг, һәвәс, ҹәһаләтдир. Мәшугун ајағынын тозу јалныз ашиг үчүн тәбәррүкдүр. Аллаһы севирсәнсә, “Гүдсә азадлыг” дејиб һарај чәк!

А. Ејвазов
ҺаггЈолу
�